James Clerk Maxwell

Dr James Clerk Maxwell (* 13. Juni 1831 z Edinburgh; † 5. Novämber 1879 z Cambridge) isch e schottische Füüsiker gsi. Er het e Satz vo Gliichige, die Maxwellsche Gliichige entwigglet, wo d Grundlaage vo dr Elektrizideetsleer und vom Magnetismus bilde. Er het au d Gschwindigkäitsverdäilig vo Gasmolekül, d Maxwell-Verdäilig entdeggt. Im Joor 1861 het er die ersti Farbfoti veröffentligt, as Bewiis für d Theorii vo dr additive Farbmischig.

Dr Maxwell isch dr letschti Verdräter vo dr jüngere Linie vo dr bekannte schottische Familie Clerk of Penicuik. Mit siibenezwanzig het er d Katherine Mary Dewar ghrootet. Si häi aber käini Chinder ghaa. Dr Maxwell isch mit achtevierzgi z Cambridge an Maagechräbs gstorbe.